[隱藏]

香港最多人叫乜嘢名？答案可能是「志偉」及「嘉欣」！無綫電視噚晚播出嘅「星期二檔案」引述理大學生嘅畢業論文，整理咗3萬位被訪者資料，得出上述結論。節目中還訪問了多位名字特別的人，包括「范統」、「陳大文」，有趣之餘引來網友熱烈討論。

范統稱因名字同「飯桶」同意常被取笑，最尷尬一次就係喺入境處被職員大聲叫自己個名。但佢話有時都有好處，好似讀大學時試過忘記限期前註冊，當時講師怒火冲天，但當佢報上「范統」名字時，對方轉怒為笑，仲主動帶佢去辦註冊手續添。

同名同姓令不少人受困擾，好似香港海鮮聯合總會主席李彩華，名字與女藝人相同而常引人注目，而某地產公司老板陳大文則訴苦，自己填表時，經常都被對方懷疑自己亂填名字，有次去澳門更遭執法者懷疑佢嘅入境文件係假嘢。