我有一個朋友0係旺角區教小學，唔好以為讀得書多0既人會唔信鬼神，我呢個朋友未見過鬼，但係佢信鬼神信到十足十咁0架！

有一次我0地約佢出街食飯，佢一坐低就同我講：「我12點鐘前一定要返屋企！」

問佢點解，佢話：「對面屋有人死0左，今日係『佢』頭七，為免返屋企0個陣同『佢』撞口撞面，所以一定要早0的返去！」

我0地同佢講：「撞到咪同對方講聲Hi囉！」

佢即刻好激動咁話：「大吉利是！」

我0地繼續食0野，傾傾0下偈望0下個鐘，已經係11點半。佢0拿0拿聲話要走，我0地即刻話：「咪住！要食埋蛋糕先！」

佢話：「邊個生日？」

「你囉！」

佢即刻話：「唔係呀嘛，我咪講0左我今年唔慶祝新曆生日囉！我今年要過舊曆生日嘛！」

個個都知佢係為0左避對面屋0既「死忌」，但係佢迷信0者，我0地唔信，所以專登同佢慶祝生日，仲話：「我0地同你慶祝生日，人

0地撞正『死忌』，如果今晚你冇事，就證明呢個世界有咩鬼怪啦！」

佢卒之留低慶祝生日，到要返屋企0個陣，已經過0左12點鐘。第2日我0地打0左成日電話俾佢，都冇人聽。但大家太忙，最終都冇理

到。

過0左大半個月，大家約出0黎食飯，佢見到人就鬧：「你0地都靠害0既！我領晒0野呀！」

佢講俾我0地聽0個陣時，個臉都青晒，佢話：「我入(車立)0個陣都好小心，等有人先一齊入。到0左12樓我咪出(車立)囉!

「我離遠見到屋企門口0既走廊有一團煙。我當時諗：『點解咁夜都要燒衣呀，咁危險，又冇人0係度睇住！』

點知行近0的一睇，團煙好似一個人樣，有眼有耳有口有鼻，我嚇到連屋企都唔敢返，即刻打電話叫我阿媽開門。」

「嘩！你自己都唔敢行近，你阿媽一開門就見到0個隻『0野』，你唔怕嚇親你阿媽啊！你個衰仔咁不孝0既？」

「我阿媽大近視又懵0下懵0下，睇唔到隻0野0既。不過佢一打開門，0個團煙就好似俾吸塵機吸住咁，好快由對面屋0既門罅縮0左入

去！

「第2日，我叫阿媽去對面屋八0下，佢0地話半夜12點鐘0既時候，聽到出邊廳房有電視聲，又有人0既咳嗽聲，但個個都唔敢行出

廳。個死者老婆仲話，佢覺得有人摸佢0既頭髮，直覺係佢老公！ 」

真係「老師也撞鬼」啊！